আজ ১২ই কার্তিক, ১৪২৮ বঙ্গাব্দ, ২৮শে অক্টোবর, ২০২১ খ্রিস্টাব্দ

সময় : ভোর ৫:১২

বার : বৃহস্পতিবার

ঋতু : হেমন্তকাল

ইব্লা ইতা ছাড়।

রেবা গোস্বামী,মৌলভীবাজার।

(সিলেটের আঞ্চলিক ভাষায় লিখা)

খরাপ মানুষ হারাদিন অউ থাকে,
পরর দোষ তুকাইয়া।
মিছারে হাছা বানাইত চায়,
ঘুরে গাউ পাকাইয়া।

অনর কথা হনো না কইলে,
অয় না মন তার খুশ।
নিজর কথা বাদ দিয়া কয়,
অন্য বাড়ির দোষ।

মাইনষর বালা চায় না ইতায়,
চায় না কেউর সুনাম।
কেউর বালা দেখলেউ তারা
লাগি যায় করাত বদনাম।

কমর বান্দি লাগি যায় গি,
পরর করতে বদনাম।
নিজর খাইয়া কাটনি খাটে,
তার, নাই কুনু আর কাম।

খরাপ মানুষ অইবো বালা,
অইবো কিতা করলে?
ইতা মাইনষর খাইছলত যায় না,
কুনু দিনও মরলে।

টেপির মায়ে বুঝি কিতা?
কইমু কিতা আর?
এখান কথা কইলাম খালি,
ইব্লা ইতা ছাড়।

 

প্রেরকঃসত্যজিৎ দাস(সংবাদ প্রতিনিধি)।

Leave a Reply

Your email address will not be published. Required fields are marked *

     More News Of This Category